رمضان كريم
أطل علينا شهر رمضان الكريم ومثل ما تعرفون او مثل ما تعودنا قبل ..
!! ممكن نخمن شنو راح يكون عليه الوضع ..
ما ودي ابالغ ولكن الحاصل هو معظم الناس تعلن الهجوم على الاسواق في بدايه شهر رمضان وعلى الجمعيات التعاونيه عشان تشتري الاكل وتخزنه حق طوول الشهر
والبعض يستريح في بيته ويقضي يومه يا نايم او يروح الدوام وغالبيه الوقت قاعد بالدوام من غير شغل
حتى يجي وقت الفطور ومن ثم صلاة التراويح نقعد نتجمع جدام التلفزيون ونتسمر على هالمسلسلات الي ما تخلص ..
.. او البعض ممكن نقول يحرك سيارته ويتوجه للمطاعم او المقاهي ويقزرها مع الربع ...
في ناس بعد , وهذيل من النوع الغريب صراحة, في اول يوم من رمضان وبعد الفطور يروحون يجهزون حق العيد@@ شدعوه تو الناس المحلات مو طايره, يردون عليك ويقولون لك ندري كل شي موجود ومافي شي بيطير بس الاسعار اهيا الي تذبح .. يعني اشتر الحين ولا تشتري قبل العيد بجم اسبوع .
غير هذا وهذا.. حتى القرقيعان اخذ من وقتنا في رمضان.. من تجهيزات وتحضيرات وكله بعد مصاريف تييب الهم
omg !
wait!
أعزائي :
تتوقعون هل هذي اهيا الصوره الي فعلا نبيها عشان نقضي شهر رمضان ؟
او في صوره غايبه عننا جميعا ؟؟
هل الي نسويه احنا المسلمين.! في شهر رمضان هم المطلوب دينيا ؟ او ان هذا بعيد عن الدين؟
هل انتم موافقين على ان يمر شهر رمضان واحنا منسدحين امام شاشات التلفزيون او في المطاعم ..؟
او ان في برنامج اخر لشهر رمضان؟؟؟
يوميات رمضانيه !!
لقـــاء افراد العائله قبل الفطور مو بالصاله يا جماعه ... لقائنا كان ( بالمطبــــــخ ) كالعاده طبعا ..
اول يوم برمضان اذا بغيت احد لا تدوره في البيت .. على طول روح للمطبخ .. بتلقى الوالده والوالد والاخوان والاخوات واليهال كلنا متجمعين .
قررت امي انها ما تسكر الجدور الي فيها الاكل عشان توفر على كل الي بيدخل المطبخ رفعت الغطا من الجدر ويشوف شنو طابخين وشنو فطورنا اليوم ...
هذي هدية حق الكل
والله كشخه هالقرقيعان
14 comments:
بوست حلو
وكلام احلى
اول شي
مبارك عليكم الشهر
وتقبل الله طاعتكم
وبالفعل
رمضان طاعه وصيام ومغفره وابواب للدعاء مفتوحه
اما المسلسلات بيعيدونها طول السنه مو من زينهم عاد
خليني اقولج شنو السر ان الناس علطول عقب الفطور يروحون السوق
يختي السوق فاااضي والمحلات تشوق تدش
اما اذا نطرتي لين 8 ونص
مالج محط ريل
ومنتي شاريه شي
للحين مالقيت بدله عيد الله يستر من حنه الوالده
العام لقيت البدله قبل العيد بيومين
ماكو هدوم!
ومره ثانيه
ربي يتقبل الطاعه
ya hala ya hala
منا ومنج ياقلبي ..
ثانكيو على التعليق
انصحج لا تعبين خليج مثل العيد الي قبل قبل العيد بيومين روحي دوري بدله .. عشان تكونين مستعيله فتشترين وتخلصين
اذا فريتي الحين بتقعدين تقولين اممم وااممممم وهذي احلى ولا هذيج احلى .. قضي يومج بطاعة الرحمن . والعيد لاحقين عليه
ثانكس اقين
السلام عليكم والاكرام
اختي الغالية المشكلة لا تكمن بنا نحن الناس العاديون لكن المشكلة تكمن بالتجار الذين يتاجرون حتى بهذه الأيام الفضيلة لو استطاعوا
التحضير للقرقيعان أخذ مجالا أكبر من حجمه ، فأصبح القرقيعان المتطور والذي فقد نكهته الأولى
وأصبحن النسوة يتسابقن لإظهار البذخ والعز من خلال علب مزركشة بخط مبالغ فيه
والأسوء إن لم نحضر القرقيعان بذلك الاسلوب يتم إتهامنا بألف تهمة سخيفة
أما بالنسبة للعيد فأنا أظن بأن التحضير منذ بداية الشهر الفضيل يجنبنا نسيان أحد أو نسيان قطعة :)
سبحان الله جنكم بيتنا
صح كلامج وهذا اللي صاير بس عاد شنسوي
وبعدين على سالفة العيد ونشتري من الحين ترا احسن صج لان تعرفين بعدين شيصير بالاسعار فاحنا نلحق قد مانقدر اصلا قبل ما يبدى الرمضان احنا شارين ومخلصين :D
ماتقدرين تغيرين شي ..انتي سوي اللي عليج وخلي الناس بحالهم
شكرا
مبارك عليج الشهر وانشاء الله تعودينه بالخير
ولا تنسينا بالقرقيعان :)
من اول يوووووووم حق العيد
شصاير ياحافظ
والتلفزيوم ملل حده وقصص تافهه
وقلة ادب وسخافه
اما المطاعم فأحس انه الاكل فيها ملل برمضان حلاته بالبيت بين الاهل وطباخ الوالده وبعض من تجاربي احلى من احلى مطعم
واللب يضيع وقته بالقهاوي ليش مايقرا له قرآن يستفيد
وفناتق القرقيعان اللي تبط الجبد
ومشكوره على الهديه
وصج كشخه
لا هالايان تلاقين التغليف حلو وكشخه ومكلف الشيئ الفلاني
ولما تبطلينه يضيق خلقج من انواع الحلاو والككاو القديم اللي محد قام يشتريه
ويعطيج العافيه
وجهة نظر حكيمه وطرح سليم وابمحله عجبني صراحه الكلام ..وياريت واايد يفكرون مثلج عشان نعييش رمضان صححححح ^_^
مبارك عليج الشهر و تقبل الله طاعتج و كل عام و انتي بخير :)
و فعلا هذي صورة سيئة لقضاء الوقت في رمضان :
سوق و مسلسلات و تجهيز للعيد و قرقيعان و قهاوي و فرارة !!
الله يعينا على صيام الشهر :)
سيدة نفسي
اختي العزيزه شكرا على تعليقج الطيب
وبالفعل والله صح كلامج كل شي بالمعنى العام ( فقد نكهته الاولى ) حسافه بدال ما يصير في تطوير صار في تأخير
عموما هذي رؤيتج الخاصه للامور اشكرج على تقديمها
سيليزيه
شكرا ^_^
meshari
ونته بخير وصحه وعافيه اهلا وسهلا
ولا يهمك اخوي افا عليك بسويلكم قرقيعان حق كل واحد واكتب عليه اسمه شتبي بعد ؟؟
كويتيه حساويه
اشكرج يالغاليه على التعليق
وكلامج مقارب للبوست وهذا الشي الي ودج تفكرين فيه شنو الصواب ومتى يتم تعديل الخطأ
شكرا وتستاهلين القرقيعان
al-mothry
اشرقت وانورت ... يا هلا وغلا
:$شكرا
تربيتك يالمثري
مثل ما تعودت علي
انشالله عاد استفدتو من الي كتبته او حتى فكرتو فيه
حياك الله مرنا كل يووم
kuw-son
o0o enta b5er o0o 3afya
thank u
Post a Comment