قلبي .. يتبعك

ابيات عبرت فيها حق اغلى الناس

انت انشغالي .. رغم انشـــغالي

من كلماتي واتمنى انها تعجبكم مثل ما اعجبت الي شاغلي

انشغل عنك وبالي منشغل فيــــك

اتبع ظروفي.. وقلبي ..يتبــعــك

اتعذر للي عندي... لجل اجيــك

واتسامح من خفوقك..واقنعـــك

انته غير عن هذاك وعن هذيـــك

لا تـــوقع معـــــهم اني اجمعــــك

عـارفك ترضى اذا حبــيت ايديــك

هذي بوسه لو تحقــق مطمعـــك

مانشغــل عنك لأن كلي يبـيــك

حـتى شوقي لا تزاعلت اردعــك

شوف حبي بينـك ومنـك اليــك

ماتهاون في وصـالك واسمعــك

افهمـك ..اجـادلك ..واشره عليــك

واحضـــنــك ..وادلــلك.. وادلعـــــك

قلــت لك روحــي تبيها تفتديــك

هذي روحــك... لو تبيها ما امنعــك

لــيت تعذر صاحبك لا قال ابيـك

وان وده يســهر الليله معــــك

وان كل ضـــلوع قلبه تحتريــك

وبضميره لو خذاك ما رجعـــك

اشتريك بدنيتي لو تبيني اشتريــك

وان لقيتك يا حياتي قلت لك ما ودعك

انا لــك حتى لو استصعبت اجيك

كـــل وقـــتي لك وفر مدمعـــــك